Empungi okuruga DRC bangire ebiragiro by’abahekyera ba M23

224
0
SHARE

Zimwe aha mpungi barikutaaha omu Uganda.

N’ebya Elias Rutugusa

Empungi okuruga omu eihanga rya Democratic Republic of Congo abarikuronda obutuuro bangire ebiragiro by’abahekyera ba M23 ebibabateireho kubaikiriza kuba bagarukire omu maka gaabo okureeba ahabintu byaabo n’abanyabuzaare.

Nikigambwa ngu abahekyera ba M23, baikirize empungi ababaire bashobangiriirwe ahansharo ya Uganda na Congo omuri Bunagana n’akashonshorekye k’okubanza bateeza nabo ebishushani.

Zimwe omu mpungi bangire ebiragiro ebi okukira munonga okuteeza ebishushani n’abahekyera, barikutiina ngu nibibaasa kukozesibwa omu miringo endiijo, beitu haine abaikirize kandi barebirwe barikugaruka omuri Congo.

RDC wa Kisoro, Hajji Shafiq Ssekandi nagira ngu empungi 302 kuruga DRC aharwokubanza 20.06.2022 bataahire omu eihanga kurabira aha nshaaro ya Bunagana kandi 238 bahandiikirwe ahansharo ya Nyakabande.

Omubaro gw’empungi kuruga Congo abari omu Uganda obwahati nibarenga omuri 32,601.

WestApdates

RadioWestAt23

LEAVE A REPLY