Empa buhwezi omu kampu ya Nakivale berarikiriire ahabw’omubaro gw’empungi

126
0
SHARE

N’ebya Fattima Naggudi

Empa-buhwezi omu kampu y’empungi eya Nakivale berarikiriire ahabw’omubaro gw’empungi kuguma nigweyongera bwasheesha bwira omu disiturikiti ya Isingiro.

Eki nikijaho bwanyima y’ebintu ebirikukoresibwa omu kampu nka amashomero,amarwariro n’ebindi kwijura ahabw’omubaro gw’empungi kuruga omu eihanga erya DR Congo barikutwarwa omuri Nakivale kweyongyera bakakira ebirikukoresibwa, ekigyemeseriize empa buhwezi kushaba gavumenti kubongyera ahabikozesibwa omu kampu egi bibaase kurebeerera empungi ezikiriyo nizitaaha omu eihanga.

Omukwezi kwakana omwaka ogu, abahekyera ba M23 bakatahiriira enkambi z’amahe ga Congo ekyaretsireho obwimukyero oburetaire abantu nyamwingi kutoroka omu eihanga nikwo kuhungira omu Uganda barikuraabira ahanshaaro ya Bunagana omu disiturikiti ya Kisoro.

Abeegi b’eishomero erya Nakivale P/S…..Photo by Naggudi Fattima

Okweyongyera kw’empungi ezi kuretsireho ebintu obutatambura gye omuri kisoro ahi bakuhikira n’omuri isingiro omu kampu y’empungi eya Nakivale ahi barikutwaarwa.

Obwahati, amashomero ga Nakivale gaijwire abaana kukira ebyombeko ebiriho. Ebibiina ebyabaire byombekirwe kushomerwamu abeegi 50 hati harimu abeegi 120 kandi aha ntebe erikuzaho abeegi 3 nihashutamwaho abeegi 6.

Obwahati kampu ya Nakivale eine ishomero rimwe ryonka erya Secondary hamwe na Purayimare 11 kwonka aga n’obugakuba gaine ebyombeko bikye, omuri aga tihaine ishomero erine abeegi abari ahansi ya 2000.

Omumashomero agu tubaasize kutayaayira, abeegi abamwe nibashutama ahansi abanda abandi ahansi y’emiti kandi ngu n’abashomesa nabo nibakye ekirikuberarikiriiza ngu haagira abayeeyongyera, nibaija kuba betaine ah’okubata.

Empa-buhwezi aba Windle International Uganda….Ekishushani n’ekya Fattima Naggudi

Ekitongore ekya Windle International Uganda obwo kirikwiha obuyambi bwa sente zirikwingana biriyooni 1 omu kanisa eya Latter-Day Saint Charities omuri America kibaasize kwombeka ebibiina  ah’ishomero rya Nakivale SS hamwe na Nakivale PS  n’ekigyendererwa ky’okutunguura omutindo gw’eby’obwegyese.

LEAVE A REPLY