Empungi 67,000 kuruga DRC na South Sudan bataahire omu Uganda omu meezi 6

117
0
SHARE

N’ebya Chris Kiwawulo                         

Uganda eriizooba yayegaita aha mahanga agandi omunsi kukuza ekiro ky’empungi ‘World Refugees Day’.

Empungi zirikuhika 67,000 zitahire omu Uganda kuruga DR Congo na South Sudan omu meezi 6 agahingwireho kurugiirira aha ofiisi y’ekitongore ky’empungi ekya United Nations High Commission for Refugees (UNHCR).

Kurugiirira aha ofiisi ya UNHCR omu Uganda, empungi zirikurenga 46,000 etaahire omu eihanga kuruga DR Congo kandi abandi kuruga 20,000 bataahire omu eihanga kuruga South Sudan kwiha Okwokubanza omwaka ogu.

“Ensharo za Uganda zitwaire zigwire ahari abo abantu abarikuronda obutuuro. Okukinga ensharo n’okuzibira empungi kutaaha omu eihanga nikiba nikita amagara g’abantu aba omu kabi,” UNHCR nikwo yagamba omu kihandiiko eki yashohoza eriizooba obwo barikukuza ekiro ky’empungi eky’ensi yoona.

Uganda niryo eihanga eririkukizayo kutayaayisa empungi obwo eine empungi miriyooni 1.5 na munonga kuruga omu mahanga agagyehiinguraize agarimu obwimukyero.

Ebiro ebi, DR Congo na South Sudan zinyangaaziibwe okurwana n’obwimukyero.

Omuri Congo, abahekyera ba M23 n’abanyambundu ba ADF batwaire nibatahiriirra abantu ba buraijo hamwe n’amahe g’eihanga, enshonga ebingire baingi kuhungira omu Uganda.

LEAVE A REPLY