Omuriro gwacwekyereza oburaro n’ebintu by’abeegi ahari Mbarara S.S

100
0
SHARE

N’ebya Fred Turyakira 

Omuriro gwacwekyereza oburaro bw’aboojo ah’ishomero erya Mbarara S.S eriri kushangwa Nyamityobora, Kakoba omu rurembo rwa Mbarara akasheeshe k’eriizooba.

Kurugiirira ahari Ashaba Monic, omuhwezi wa Mukuru w’eishomero eri, omuriro ogu gwabarukaho nka shaaha 3:30 z’akasheeshe aka obu abeegi baaba bari aha parade obwo abeegi barikuronda akaruuru k’okutoorana abeebembezi baabo abasya. 

Omuriro gwatandikira omu buraro obwa Nyerere obw’abeegi aba S.1 gutakajanjaire omu buraro  obundi obw’abeegi aba S.2 na S.4. Oburaro obwakwatwa omuriro bubaire niburaaza abeegi 78.

“Obu twaba turi aha parade, twareeba abatuura barikutaha omu gate barikuyomba ngu oburaro bwakwatwa omuriro. Tweiruka twazayo beitu twashanga omuriro gwacwekyereize oburaro. Twayeta pooriisi obwo abeegi n’abashomesa barikugyezaho kuraaza omuriro barikukoresa omushenyi na fire extinguisher.

Samson Kasasira, omugambirizi wa pooriisi ahabw’ekyanga ekya Rwizi yaagira ngu pooriisi yaahika ah’eishomero eri kubaasa kuraaza omuriro beitu tibakamanyire ekyaretaho omuriro ogu.

Ebintu n’obu byacwekyerera, tihaine owaafa.

LEAVE A REPLY