Omuhwezi wa Sipiika, Rt.Hon.Thomas Tayebwa nashaba amahanga ga Buraaya kuta sente omuby’obushuubuzi omu Uganda.

140
0
SHARE
Omuhwezi wa sipiika Thomas Tayebwa n’abanyishengyero kuruga German. Photo: Parliament.

N’ebya Parliament

Tayebwa ebi abigambire obu abaire nabugana abakuru kuruga omu ishengyero rya Germany kandi abarambwize ekyombeko ky’eishengyero ry’eihanga.

Tayebwa nagira ngu hariho ebintu bingi by’okutamu sente omu eihanga nka amakorero g’eby’obuhingi, okwongyera omutindo omu by’obugaiga bw’omw’eitaka, amajuta, okukora enguuto hamwe n’egaari y’omwika, n’ebindi bingi.

Tayebwa nashoboorora ngu kwiha omwaka 1986, ekibiina kya NRM obukija omu bwebeembezi, hatwireho enkoragana nungi n’abanya myooga omuby’entuunguka obwo barikuraabira omu kureetaho obusingye, enkoregana nungi hamwe n’ebindi.

Omuhwezi wa sipiika Thomas Tayebwa n’abanyishengyero kuruga German aha Parliament ya Uganda.

Omuhwezi wa Sipiika asiimire gavumenti ya Germany ahabwa akakwate karungi akubaine na Uganda kurabiira omu kuta sente omuby’entuunguka okukira munonga eby’obuhingi n’oburiisa.

Tayebwa ayongyeire yaasiima puroguraamu z’eby’obwegyese n’ebiragiro ebibaataireho ahabw’okureetaho oburinganiza omu eihanga ahi hati ebicweka 40 ahari 100 by’abakazi baari omu bwebeembezi omu gavumenti eriho.

Omuhwezi wa sipiika nagira ngu hati eihanga niryesiimisa enkora ei ryatairehi kandi hati abakazi nibo biijwire omu myanya y’ahaiguru ey’obwebeembezi.

Aba barimu nka Omuhwezi wa Purezidenti, Rtd. Maj. Jessica Alupo, Sipiika w’eishengyero Anita Annet Among, Enganzi yeihanga Robinah Nabbanja hamwe n’abandi.

WestUpdates

RadioWestAt23

LEAVE A REPLY