Eky’amamanzi; M7 yaashaba abantu kwakiira Parish Development Model

293
0
SHARE

N’ebya Beth Akatukunda

Emikoro y’eihanga yaakorerwa aha kishaayi kya Kololo, ahansi y’omutwe gurikugira ngu “Omugisha gw’okuta amaani omu kuta eihanga omu buteeka”.

Aha mukoro ogu, abantu barikuhika 82 barimu n’omugambirizi wa pooriisi, Fred Enanga, nibo baaheebwa emidaari ahabw’emirimo y’omutaano ei bakoreire eihanga eri.

Mukuru W’eihanga Yoweri Kaguta Museveni yaashaba ku habaho okwebembeza eky’okutandikaho emirimo hamwe n’obugaiga omu maka.

Obutumwa bwa Mukuru W’eihanga bwamushomerwa Enganzi Yeihanga, Robinah Nabbanja owaamujwekyera aha mukoro ogu.

Purezidenti Museveni yaashaba abebembezi aha ndengo zoona kureebeka ngu bayejumbira omu puroguraamu ya gavumenti ensya eya Parish Development Model.

Purezidenti Museveni yaajumirira eby’obutegyeki ebirikubaganisamu abantu barikwema aha diini, enganda n’ebindi obwo agumize ngu ebi nibyo NRM yaarwaniriire.

Aha mukoro nigwo gumwe, Minisita w’eby’okwerinda (Rtd) Maj. Gen. Jim Muhwezi yaagira ngu gavumenti eriyo neetaho oburyo kurwanisa obushuma bw’amatungo omu ihanga na munonga omu disiturikiti ezirimu abariisa.

#WestUpdates
#RadioWestAt23

LEAVE A REPLY