Dr Kizza Besigye kushashura 3M ez’omusingo gwa kooti

572
0
SHARE

Omuramuzi wa kooti enkuru, Micheal Elubu omu kasheeshe k’eriizooba yaakyendeza aha musingo gwa sente, ez’omuramuzi w’eidaara ry’okubanza, Siena Owomugisha yaabaire ateire ahari Col. Dr. Kizza Besigye- owabaireho Purezidenti wa FDC kandi yaazita ahari shiringi obukaikuru 3 zonka.

Besigye atwire aha rimanda kuruga okwezi okuhwaire bwanyima y’okuremwa kushashura shiringi obukaikuru 30, arikugira ngu ni nyingi.

Omuramuzi Elubu yakyoreka ngu shiringi obukaikuru 30, n’esente nyingi wagyera-gyeranisa n’omushango gw’okukunga abantu kwediima ogu Besigye arikujunaanwa.

Besigye akakwatwa ebiro 24/05/2022, ahari Arua Park omururembo Kampala, obu yabaire nakunga abantu kwediima arikuhakanisa eki yayetsire gavumenti kuremwa kutambira abanya Uganda emihendo y’ebintu erikweyongyera buri kaire.

WestUpdates
RadioWestAt23

LEAVE A REPLY