N’ebya -Ambrose Niwagaba Katoto
Gavumenti erikurabira omu bitongore 2; eky’eby’emirimo n’entambura hamwe n’eky’eby’eitaka, amaju hamwe n’entunguuka y’endembo ahansi ya purojekiti ya Uganda Support to Municipal Infrastructure Development-USMID eriyo neshwijuma ebiragiro ebisya omu kukora enguuto.
Ebiragiro ebiri kushwijumwa abeebembezi ebyetsirwe Future Road Design Manual, bigyendereire kukora enguuto enungi omu tauni kandi zirikushushana.
Eng. Emmanuel Tom Ojuka kuruga omukitongore ky’eby’eitaka, amaju n’entunguuka y’endembo naagira ngu ebirarugye omukwebuuza aha beebembezi nibiza kushohozibwa omu kwezi kwa 9.
Eng. Ojuka naagira ngu enguuto ezi barikukora omu ihanga omu byanga 33 ahansi ya purojekiti ya USMID nibatamu amataara n’ebindi ekitatwireho.
Aba babugaineho abeebembezi ba Kasese, Mubende, Fortpotal, Masindi, Mityana hamwe na Hoima omururembo rwa Hoima aha Kontik hotel okwongyera okuheerezana amagyezi.
Edson Asaba Ruyonga, Meeya w’orurembo Fort Portal nayenda aba UNRA batandikye okushweka emifuregye y’enguuto ezi barikukora omuma tauni omu ihanga okwerinda abantu okugwamu.
Meeya wa w’orurembo rwa Mubende, Eng. Innocent Ssekizivu, ayine amatsiko ngu enkora egi neyija okukyendeeza akamigano ahanguuto omundembo.
Omukaire aka eihanga tiriine biragiro ebirikushoboorora oku enkuuto zoona zishemereire okukorwa.
