Harikuburayo ebiro 2 byonka kuhika aha kujaguza ekiro ky’abajurizi ba Uganda aha rwakataano 03.06.2022, abaramagi abaingi kuruga omu bicweka bitari bimwe by’eihanga batandikire kuhika ahari Namugongo.
Omu baahikire ahari Namugongo harimu abaramagi abarugire omu mareeberezi g’omu Greater Ankole abarikuza kwebembera emikoro y’ekiro ky’abajurizi aha kigo ky’abakuristaayo ahari Namugongo.
Abaramagi abarikuruga omu dayosiisi ya Fort Portal nibaza kuhika ahari Namugongo eriizooba 31.05.2022. Aba nibo barikuza kwebembera emikoro aha kigo ky’abakaturiki.
Dayosiisi z’omuri Greater Ankore ziine ba memba 100 aba kwaya kandi eya Fort Portal eine 300.
Biishopu wa dayosiisi ya Fort-Portal naashaba abaramagi kujwara za ‘Mask’ zaabo kubaasa kwerinda COVID- 19.
#WestUpdates
