Abeegi 1,319 kujwaara ahari MUST – Mbarara

260
0
SHARE

Abeegi barikurenga omu 1,300 nibateekateekwa kujwaara ah’eitendekyero erya MUST omu mukoro gwa 28 ogw’okujwara.

Itendekyero erya Mbarara University of Science and Technology (MUST) riri omumahisa-nyungu g’okujwaara kw’abeegi okw’omurundi gwa 28 nyencakare Orwamukaaga, ebiro 28/5/2022. Abeegi 1,319 nibatebeereziibwa kujwara omu mashomo gatari gamwe na gamwe.

Ebi bihaamiibwe Prof. Nixon Kamukama, ori omuhwezi wa Vice Chancellor w’eitendekyero eri omu rukiiko oru agiizireho n’abanyamakuru nyomwabazyo Orwakaana, 26/5/2022.

Kwiha ihanga riigurwa kuruga omukeshereko ka COVID19, ogu nigwo gwaza kuba omurundi gw’okubanza abeegi kuruga ah’eitendekyero rya Mbarara University of Science and Technology kugiraho okujwaara kwa guurupu kutari kw’ahamikuura ya kanyabwengye.

Prof Nixon Kamukama naagira ngu abeegi 1,319 nibo barikuza kujwaara kandi omuri aba, 788 n’aboojo kandi 531 n’abaishiki.

Ahabw’okugira ngu eri niriza kuba riri eizooba ry’okujaguza, abeegi nibashaabwa kukwata eshaaha kandi n’eby’okwerinda biriho omu bwijwire.

LEAVE A REPLY