Ow’emyaka 16 y’obuto azaarire omukishaka – Kasese

129
0
SHARE

Ow’emyaka 16 y’obuto azaarire omukishaka – Kasese

N’ebya Gilbert Muhanguzi

Omwishiki w’emyaka 16 y’obuto azaarire omukishaka. Winnie Muhindo w’emyaka 16 y’obuto ni muhara wa William Munihira kuruga omukyaro kya Kinyabwamba, omugomborora ya Kitswamba omu disiturikiti eya Kasese

Nikigambwa ngu Muhindo akazaarira omukishaka aharwakaana wiiki ehwaire bwesherekye. Beitu omwaana ogu aizire kumanywa bwanyima y’ishenkuru kuhurira omwaana arikuririra omukishaka ekirihaihi n’enju yaabo. Abataka kubahikire omumwanya ogu, Muhindo nikwo kabamanyisa omwaana ku ari owe.

Muhindo naagira ngu atwaire arikushereka enda ye ngu abazaire be batakimanya kandi nikyo kirugirireho n’okuzaarira omukishaka

Muhindo yaatugira ngu Orwakataano orwa wiiki ahwaire araire aheerize kuzaara, akaza ah’ishomero erya Hima Progressive High School ahu abaire nashomera omu S.1.

Nyomwabazyo, abebeembezi hamwe na pooriisi ya Kinyabwamba batutwaire ah’irwariro erya Kinyabwamba HCIII, ahi omushaho Linny Biira atugiizire ngu omwana hamwe n’omuzaire boona biine amagara marungi.

Yefese Katenene, ori Ceyamaani LC3 w’egomborora eya Kitswamba yaahamya amakuru aga kandi yaashaba abazaire kukwatanisa n’abaana baabo baahikwaho ekizibu nk’eki.

LEAVE A REPLY