CDF Mbadi abugaineho Omuduumizi w’amahe ga Ethiopia

186
0
SHARE

CDF Mbadi abugaineho Omuduumizi w’amahe ga Ethiopia

N’ebya David Lumu

Omudumuuzi w’amahe g’eihanga (CDF), Gen. Wilson Mbadi Mbasu abugaineho mutahi we, omuduumizi w’amahe ga Ethiopia, Field Marshall Birhanu Jula omu Addis Ababa.

Kurugiirira ahantumwa ya Uganda omuri Ethiopia, Rebecca Amuge Otengo, abakuru bombi babugaineho bwanyima y’oruterane rw’ekigombe ky’amahanga ga Africa omu Addis Ababa.

Arikurabira aha Twitter eriizooba, Amuge yaagira ngu Gen. Wilson Mbadi agiizireho orukiiko n’omuduumizi w’amahe ga Ethiopia, Field Marshall Birhanu Jula kandi abaire ashendekyereziibwe Omuhabuzi w’enshonga z’amahe ahakitebe kikuru kya Uganda omu Ethiopia, Col. Fred Zaakye.

Abaduumizi b’amahe g’amahanga ga Africa babugaineho omu ruterane wiiki egi omuri Addis Ababa kuganiira ahanshonga zitari zimwe na zimwe nk’eby’okwerinda, obusingye, obumwe hamwe n’okuheezaho entaro n’obwimukyero omukizinga kya Africa.

LEAVE A REPLY