Ba Gyenero 34 kuhuumuzibwa kuruga omumahe

206
0
SHARE

Ekitongore ky’amahe ga UPDF kishohoize orukarara rwaba gyenero 34 abarikuza kuhuumuzibwa kuruga omumahe.

Kurugiirira aharukarara oru, ba genero 34 nibaija kuba nibashomesibwa omubutongore ahakuhuumura kwabo kutandika n’eriizobba Orwokubanza ebiro 16/5/2022 kuhitsya nyencakare Orwakabiri 17/5/2022 ahakitebe kikuru ky’amahe omuri Mbuya, Kampala.

Bamwe omuri aba abarikuza kuhuumizibwa emirimo y’amahe harimu owabaire ari Minisita w’eby’okwerinda, Gen. Elly Tumwine, owabaireho omushugaanisa omukitongore ky’obwambega, Gen. David Ssejusa, a.k.a Tinyefuza, Ceyamaani wa kooti y’ekinyamahe, Lt. Gen. Andrew Gutti, Lt. Gen. Joram Mugume, Lt. Gen. Prossy Nalweyiso, Maj. Gen. Stephen Kashaka hamwe n’omuhandiiki w’entuura omu Minisiture y’eby’obuhingi, Maj. Gen. David Kyomukama n’abandi baingi.

Ba general aba ni bamwe ahabaserukare barikurenga omuri 1,196 abarikwenda kuhuumura emirimo y’amahe.

WestUpdates

LEAVE A REPLY