Abeegi abari omumyaka ey’ahamuheru kuhandikwa omukwezi oku.

183
0
SHARE

Abeegi boona abari omubibiina byaabo by’ahamuheru ninga shi candidates nibeija kuhandikwa kukora ebigyezo by’ahamuheru kurugiirira aha Minisiture y’obwegyese.

Obu abaire nagarukamu enshonga ezihairweyo abany’ishengyero, Dennis Obua, ori Minisita w’eihanga w’eby’obwegyese agizire ngu obwire obwatairweho kuhandika abeegi aba, bwaza kuhika ahamuheru y’okwezi oku nibaija kuba bahandikire abeegi boona abari omumyaka yaabo ey’ahamuheru.

Abany’ishengyero borekire okukwatwaho ngu n’obu ebiro ebyatairweho kuhandikiramu abeegi buriyo nibwirira kuhwayo, abeegi ba P.7 abarikwingana obucweka 50 ahari 100 nibo bahandikirwe.

Abeegi aba S.4 abahandikirwe kukora ebigyezo bya UNEB nibaingana obucweka 20 ahari 100.

Abany’ishengyero nibagira ngu ekiretsireho enshonga egi n’ahabw’esente nyingi ezishabirwe abeegi kuhandikwa kuza kukora ebigyezo bya UNEB.

Abeegi abari omu P.7 nibaragirwa kushashura shiringi 34,000, aba S.4 shiringi 164,000 kandi aba S.6 nibashashura shiringi 186,000.

Beitu hoona abeegi abarayehandikise ahagati ya 01/6/2022 kuhisya 30/6/2022 nibaija kuba nibaragirwa kushashura esente z’okukyererwa kwehandikisa ezirikwingana obucweka 100 ahari 100 yaaba P.7 barikushashura hamwe n’obucweka 50 ahari 100 bw’esente z’abeegi ba S.4 na S.6 barikushashura

LEAVE A REPLY