Okuronda akaruuru k’ishaaza rya Omoro kutwara ebiro 10.

218
0
SHARE

Okuronda akaruuru k’ishaaza rya Omoro kutwara ebiro 10.

N’ebya David Lumu

Ekitongore eky’oburuuru kihingwize ebiro 26/5/2022 nk’eizooba ry’okutoorana omuny’ishengyero w’ishaaza rya Omoro.

Kurugiirira ahamugambirizi wa Electoral Commission, Paul Bukenya, okuronda akaruuru nikeija kumara ebiro 10 kutandika n’ebiro 16/5/2022 bwanyima y’okuhandika abarikwenda kwetsimba ahagati y’ebiro 12-13 okwezi oku.

Entebe y’omuny’eishengyero w’ishaaza rya Omoro ekagumiraho bwanyima y’okufa kw’owabaire ari Sipiika w’ishengyero, Jacob Oulanyah owazikiirwe ebiro 8/4/2022.

Abantu batari bamwe bayorekire ekyetengo ky’okwetsimba ahantebe egi harimu mutabani wa Oulanyah, Andrew Ojok oine ebendera y’ekibiina ekya NRM.

Omu wiikendi, Ojok amurikirwe omuhandiki mukuru wa NRM, Richard Todwong omu rukiiko rw’okwebuzaho omu disiturikiti ya Omoro.

Ekibiina ekya NRM kitooraine Simon Tolit kubajwekyera omu karuuru aka kandi yo FDC etooraine Denis Owani kukwata ebendera y’ekibiina.

Kurugiirira ahangyenderwaho y’okuteera akaruuru eyashohozibwe Justice Simon Byabakama, ah’izooba eri nibaija kutoorana kansara w’abakazi ahabwa Lalogi/Lakwaya.

LEAVE A REPLY