Omusigazi omuri Ibanda nateekateekwaho kuba aitsirwe ebibazi-bazi

373
0
SHARE


N’ebya Stephen Nuwagira

Abatuura b’omuri Kafunjo omu diviijoni ya Bufunda omu Munisiparite ya Ibanda, nyomwebazyo omukasheeshe baimukiire omukahurikano kushanga omusigazi embura-kareju afire omu ibiikiro ry’ebicoori by’amawuuwa.

Gordon Taremwa, ori omumyaka 25, nateekateekwaho kuba aitsirwe ebibazi bingi ebimurengire omumubiri

Omubiri gwa Gordon kandi ogubaire gwine ebijwaro ahakicweka eky’ahansi gwashangwa guri aha piki omu ibiikiro ry’ebicoori omukasheeshe k’eriizooba 01.05.2022 shaaha 12 n’ekicweka, okurugiirira ahari Geoffrey Ndyanabo, omwe omubantu abaabanza kuhika ahamwanya ogwo na muriraanwa.  

Yaagira ngu orikukoresa Gordon yaija kwimusya abakozi nikwo akoojo kato akabaire nikatuura na nyakufa kwigura orwigi.

“Mukama waabo, owamanywa nka Dan yagyezaho kubuuza Gordon eki yaaba naakora ahari piki; beitu ku yaaguma naamukwataho nikwo kushanga afire. Aho niho yatwetera naitwe tukaija,” Ndyanabo nikwo yaagira. Ndyanabo nawe nikwo kumanyisa mukuru w’ekyanga kya Kafunjo, Colman Muronde, ahakyabaho.

Mukuru w’ekyanga yaagira ngu nyakufa nabaasa kuba anyuriire amajuta maingi munonga arikugarabya omunyindo kandi hoona agamwitiireho. Beitu hoona ogu yayongyera ngu Taremwa abeire ari omuntu w’emicwe mirungi obaire ataine mushango gwona omukyanga kye.

Baingi omuri bariraanwa nabo baagira ngu Gordon abaire naamanywa nk’obaire naakira kukagiiriza  amajuta.

Poorisi yaaba eine kukoresa amaani maingi kwihaho omubiri ogwaba guremeire ahapiki. Omubiri na bwanyima gwatwarwa ah’irwariro rya Ruhoko gwongyera kucondoozibwaho kumanya kyonyine ekiitsire omugyenzi.

Ogu n’omurundi gw’okubanza omuntu kufa omumuringo nk’ogu omuri Ibanda.

Beitu hoona, poorisi nibagira ngu, omuze gw’okukoresa ebitokooza bwongo nk’okunywa amaarwa, okureesa enjaayi, okwisya amajuta oteireho n’okurya amairungi guriyo nigweyongyera omukyanga.

#WestUpdates

LEAVE A REPLY