‘N’oha owaibire sente za Purezidenti?’ – Abashomesa ba Sayansi

261
0
SHARE

Christopher Ahimbisibwe

Omumbariira y’omwaka 2018/2019 omushaara gw’abashomesa ba sayansi gukwongyezebwa nk’oku mukuru w’eihanga yabaire abaraganeise, ahi omushomesa wa diguri yaabaire natunga 2.2M kandi ori aha rurengo rwa dipuloma 1.7M. Eki kikashemeza abashomesa ba sayansi omunshonda zoona omu ihanga kwonka eky’obusaasi ku babaire baazitunga ameezi abiri nikwo ekitongore ky’eby’esente kubashaba ngu abazitungire bazigarureyo n’okuhisya na hati tibarikumanya ekyabaireho.

Nyomwebazyo Orwakataano 20.04.2022 abashomesa ba sayansi kuruga burengyerwa-izooba  abarikwegaitira omukigombe kyabo ekirikumanywa nka; Uganda Professional Science Teachers Union (UPSTU) beeteeraniire ah’ishomero rya Global High School omururembo Mbarara kucwamu eky’ahamuheru bwanyima ya mukuru w’eihanga kubongyera omushaara kwonka n’okuhisya hati tibarikumanya orikutwara sente zaabo.

Tugume Benson ori omuhandiiki omukigombe eki naagira ngu  bagyerizeho kucondooza sente z’abashomesa ezi Purezidenti yabaraganiise ahu zirikutoora kwonka tibarikumanya ogwo oriyo nabanyangaraza.

Bamwe aha bashomesa ba Sayansi nabo  niboreka ngu n’eky’amazima Gavumenti niyo erikubashashura kwonka ekintu ky’okuguma nibababeiha nk’abaana bato kiriyo nikibareetera batamwa omurimo gwabo. Niboreka ngu ba Mafia abarikurya sente z’abashomesa nibo bariyo nibateera eiziina ribi mukuru w’eihanga.

Nk’omuringo gumwe gw’okworeka obusaasi obu baine, aba bacweiremu ngu gavumenti yaaba etarikwenda kubaheereza sente ezi yaabaraganiise, kutandika n’ebiro 9/05/2022 tibaraije kugaruka omu kibiina kwegyesa mpaka batungire omushuma orikwiba sente ezi Purezidenti arikubaheereza.

Oijukye ngu ekitongore ky’abakozi omwaka 2021 kikooreka oku ekitongore ky’eby’obwegyese aine abashomesa ba siniya barikuhika 30,822  kandi ahari abo abashomesa ba sayansi nibahika  9000.

LEAVE A REPLY