Mbarara City baasinga Mbale Heroes kuhika aha Semi Final za Uganda Cup

293
0
SHARE

N’ebya Aloysius Byamukama

Kiraabu ya Mbarara City, kandi eriho neekazana kureebeka ngu baaguma omu Uganda Premier League siizoni egi, eriizooba orwakashatu 27.04.2022 baasinga Mbale Heroes na goora 1 ahari 0 ahakishaayi Kakyeka.

Goora ya Henry Kitegenyi omuzaano gurikuhwa niyo yasingira kooki Sadiq Ssempigi obwo kiraabu egi erikuzaana omurundi gwa kabiri omumpaka ezi

Mbale Heroes kandi hoona abasingire empaka ezi emirundi 2 babanza kworeka amaani kandi omu omuzaano gwaba nigubaasa kuhendera hataine oteebire mutaahi we ahabw’okugira ngu embaju zombie zaaba ziine emigisha ei bataakoresa. Beitu bo nk’abari omumpaka ez’ahansi ya Uganda Premier League, aboojo ba Badru Din nibaija kushemerererwa aho ahabw’okuhika aharurengo oru na munonga bwanyima y’okushohoza kiraabu ya Uganda Premier League eya Police FC omuncuro ey’ah’idaara erya 8.

Omutendeki wa Mbarara City FC, Sadiq Ssempigi kandi hoona oriyo nagyezaho n’agye goona kureebeka ngu baaguma omu Uganda Premier League, yatunga obwikizo ahamuheru gw’omuzaano.

“Tushemereirwe ahabw’okusinga omuzaano. Kyaba kitanguhi ahabw’okuba abu twaba twine baaba baine amaani. Kwonka twabaasa kugumisiriza nikwo kutunga akaire konyine. Nitwija kutegyereza ou akaruuru karatukwatse,” Ssempigi nikwo yaagira.

Mbarara City erikubarirwa omumwanya gwa kashatu omumupiira, hati bayegaita ahari Vipers, abebembeire ekimeeza kya Uganda Premier League hamwe n’abari omumwanya ogwa 4 aba BUL FC hamwe na Booma FC abari omumwanya gwa kana omururengo rwa za tiimu ezi.

#WestSports

LEAVE A REPLY