Abarikukora Firimu na Katemba nibenda Gavumenti ebakwatireho

286
0
SHARE

Abarikukora Firimu na Katemba nibenda Gavumenti ebakwatireho

N’ebya Christopher Ahimbisibwe

Abazaani ba firimu, abakatemba hamwe n’abo abaine ebibanda bya za firimu n’ebyeshongoro omuri Burengyerwa-izooba beeteeraneire aha Hoteeri ya Lake View omururembo Mbarara, omumushomo ogutebeekanisiibwe ekitongore ekirikukurira eby’empurizagana omu ihanga, ekya Uganda Communications Commission, kuhajaana oku baakubaasa kutunguura omutindo gw’ebishushani hamwe na firimu ezi barikuzaana.

Ekitongore kya UCC nikyo kyakwatsiibwe omurimo gw’okushwijuma emikorere y’abazaani ba katemba hamwe n’okutunguura emizaano yaabo.

Ekigyendererwa ky’omushomo ogu, kurugiirira ahari Rutaruka Gonzaga, omushugaanisa omukitongore ekya UCC n’okureeba ngu baarundaana abazaani ba katemba hamwe n’abo boona abarikuguza emizaano hamwe n’ebyeshongoro kureeba oku baakubaasa kutunguura emirimo yaabo.

Gonzaga, nayoreka ngu obwa hati emizaano ya katemba ninga shi firimu omu Uganda eriyo netunguuka, kwonka enshonga y’omutindo hamwe n’okumanya ebiragiro ebi baine kukuratira kikiri ekizibu.

Bo abazaani ba firimu abagiire omukwegyesibwa obwo bebembeirwe; Biryomumaisho Moses, Besigye Winfred, Mugisha William hamwe na Kyosimire Lonet, niboreka ngu ekitongore ekya UCC n’obu kiraabe kiriyo nikyoreka ngu nikyenda kuhwera abanyamizaano, kwonka emyaka yoona ehweireho tibakareebaga eki UCC ebahwereire.

Mugisha William naagira ngu, “Nitugyezaho kukora firimu eziri aha mutindo kwonka emishoro ei ekitongore kirikututaho ereteire baingi twarugiramu aho nangwa na bamwe baaremwa kutandika n’obu baraabe baine entaranta”.

Lt.Col James Mwesigye ori omujwekyerwa wa Puresidenti omu rurembo rwa Mbarara kandi obaire ari omugyenyi mukuru, naagira ngu UCC kurugayo ekegyesa abanyakatemba hamwe n’okubooreka ebi bashemereire kukuratira omu murimo gwabo n’ekintu ekirikworeka ngu firimu za Uganda ziriyo niziza aha mutindo. Ashabire boona abarikuzaana firimu ku barekyer’aho kworekyereza Gavumenti akakumu ngu tebahwereire agumize ngu Gavumenti nehwera abaine eki bateireho.

Omugwa 2019, ekitongore ekya Uganda Communications Commission kikaheebwa obushoboorozi bw’okukuratira hamwe n’okushwijuma firimu, ebishushani byona ebirikuza ahambeho. Kandi ogwe weena orikuhenda ebiragiro ebi baateireho ebiri ahansi ya Uganda Communications Film Documentaries and Commercial Still Photos Regulations, naakomwa omwaka gumwe ninga nashashura shiringi 20,000/=.

LEAVE A REPLY