Orikuteekateekwaho ogw’obwitsi omuri Kibaale akwatsirwe

387
0
SHARE

N’ebya Charles Etukuri

Pooriisi eizooba rya nyomwabazyo, Orwakabiri 19/4/2022, ehaamize okukwata omushaija omu disiturikiti ya Kibaale orikugambwa kuba aitsire omushaija ou abaire nateekateeka kuba nashambanisa omukaazi we.

Omugambirizi wa pooriisi, Fred Enanga agiizire ngu Alex Asiimwe,38, omutuura w’ekyaro ekya Muraza omugomborora eya Karama omu disiturikiti eya Kibaale akwatsirwe ahabw’okutemateema Tanasi Tibalyewa, omuhingi w’emyaka 56 omukyaro ekya Muraza.

Nikigambwa ngu Tanasi aha rwamukaaga 16/4/2022 nka shaaha 5 z’akasheeshe akatwara piki ye kukanikwa omumaduuka ga Kitutu. Bwanyima y’okukanikisa piki, akatwara omushubuzi kazi Maureen Abigaba, 19, owabaire nayenda enyanya kuruga omu faamu ye.

Beitu hoona bakabugana Asiimwe omumuhanda obwo aine enkoni n’omuhoro. Akagyezaho kutema Tanasi yaremwa kwonka bakagwa ahansi kuruga aha piki. Asiimwe akairukanzya Tibalyewa nikwo kumutemesa omuhoro ahamutwe kabiri akamwita.

Enanga naagira ngu Abigaba akateera enduru eyaretsire abatuura bakairukanzya Asiimwe mpaka bamukwatsire. Pooriisi nejumiririira ebikorwa by’obwinazi nk’ebi.

Omushaija ogu naija kutwarwa omumbuga z’amateka ahamishango y’obwitsi n’okwenda kwita.

LEAVE A REPLY