Minisiture y’eby’amagara neyetenga enyongyeserezo ya biriyooni 652

285
0
SHARE

Minisita w’eby’amagara, Dr. Ruth Aceng naagira ngu gavumenti neyetenga esente ezindi zirikuhika biriyooni 652 kuhwera omu huruuru y’okurwanisa COVID19 omumbaririira y’omwaka 2022/2023.

Obu abaire nareebeka omumaisho g’akakiiko akarikukurira eby’amagara omu ishengyero nyomwabazyo kushoboorora aha mbaririira ya Minisiture ye, Dr. Acheng agiizire ngu enyongyeserezo y’esente ezi n’ez’okuhwera omukugura emibazi y’okusirika COVID19.

Minisita agambire akakiiko aka ngu gavumenti eyorekyereire okusirika abanya Uganda miriyooni 22 agumize ngu bataire aharubaju biriyooni 73.11 z’okusirika oburwaire obu kandi ahasente ezi, biriyooni 24 nizeija kukoresiibwa omukugura emibazi.

Shiringi biriyooni 2.8 n’ez’okugura gloves ezitarimu esaano (powder free ) ez’okujwara baba nibasirika oburwaire obu kandi biriyooni 7.1 nizeija kushashurwa ekitongore ekya National Medical Stores kurebeerera emibazi.

LEAVE A REPLY