Pooriisi necondooza obushuma bw’omwana wa wiiki 3 – Isingiro

349
0
SHARE

Pooriisi omu disiturikiti ya Isingiro eriyo necondooza omunshonga y’omwana wa wiiki 3 aibirwe ahari nyina kuruga ah’irwariro erya Kabuyanda Health Centre IV.

Nikigambwa ngu omuntu otakamanyirwe akeenywanisiriza nyina omwana ogu, Prudence Busingye, 36, omutuura wa Kabuyanda Central omu disiturikiti eya Isingiro obu abaire agiire ah’irwariro eri.

Samson Kasasira, Omugambirizi wa pooriisi ey’ekyanga ekya Rwizi naagira ngu Busingye ku arugire ah’irwariro, omukazi otakamanyirwe aheekire omwana we obwo arikumushendekyereza.

Omukazi ogu ku aherize yagambira nyina omwana ngu ariyo naaza kwiha esente aha Mobile Money nikwo kuburaho n’omwana.

Kasasira yaagira ngu batandikire omuhiigo gw’okusherura omwana ogu hamwe n’orikugambwa kuba amwibire.

Beitu hoona nashaba abantu obuteesiga abantu abu batarikumanya.

LEAVE A REPLY