Abantu 40 bafiire omu bwire bwa Easter – Fred Enanga

245
0
SHARE

Abantu barikuhika 40 nibo bafiire omu kihumuro kya Paasika omu eihanga ryona.

Omugambirizi wa Pooriisi, Fred Enanga naagira ngu abantu abafiire ahagati y’Orwakataano ebiro 15/4/2022 kuhisya Orwokubanza nyomwabazyo 18/4/2022 baitsirwe enshonga zitari zimwe na zimwe.

Enanga naashoboorora ngu abantu 10 beitsirwe, 7 baitsirwe ekikunga-musisa ky’abantu, 5 nibateekateekwaho kuba baitsirwe, 4 bafereire omubushuma bw’embundu kandi 4 bafereire omumihondano y’omumaka.

Omugambirizi wa pooriisi nakyoreka ngu batungire emishango 5 y’okweyita, 3 kuteerwa amasasi, omuntu omwe nateekateekwa kuba ayeyitsire, okweyita ahabw’obutafayo hamwe n’oyitsirwe amashanyarazi.

Enanga yagambira abanyamakuru ngu n’obu ebiro bikuru bya Easter bibaire eby’obusingye, pooriisi ekwatsire abantu 345 abarikuteekateekwaho obuhenda biragiro omubicweka bitari bimwe na bimwe omu eihanga.

#WestUpdates

LEAVE A REPLY