Nitwija kumaraho abashuma b’ente omuri Karamoja – Gen. Muhoozi

202
0
SHARE

Muhoozi yaaragaanisa abashuma b’amatungo omuri Karamoja

N’ebya Eddie Ssejjoba            

Omuduumizi w’amahe ga UPDF ag’ahaitaka, LT. Gen. Muhoozi Kainerugaba yaaragaanisa okurwanisa abashuma b’ente omuri Karamoja abareetsireho obwimukyero omukyanga eky’amatemba g’eihanga.

Kainerugaba yaakyoreka ngu esabiti 2 ezaherize omuri Karamoja, areebire ngu nikyo kyanga ekirikukizayo obusingye omuri Uganda.

Muhoozi arikurabira ahamukuura gwe ogwa Twitter yaagira ngu amahe ga UPDF ekiro kya nyomwabazyo babaasize kucungura ente zirikurenga omuri 200 kuruga ahari Bokora, ou arikugira ngu abaire ataahiriire ishaaza erya Jie omu disiturikiti eya Kotido.

Beitu hoona naagira ngu nk’amahe, nibeija kugarura obusingye omuri Karamoja nangwa n’omu Uganda yoona nk’eihanga.

Enkuyanja y’abarikuteekatekwa kuba abashuma b’ente omuri Karamoja beitsirwe omukikwekweto ky’abaserukare ba UPDF hamwe n’aba pooriisi  aharimu n’omuhwezi wa ceeyamaani w’entebe yaakashatu ahabw’egomborora ya Napumpum omuri Kotido, Apend Longole.

Ogu nagambwa kuba aitsirwe ab’eby’okwerinda wiiki ehwaire obwo ayebembeire abashuma b’ente barikuvuga ente z’enyibano kuruga Apeitolim kuzitwara Kotido obwo barikurabira omu disiturikiti eya Abim.

LEAVE A REPLY