Abaserukare 1,000 kuhwera omukurwanisa kanyagombwa

279
0
SHARE

Amahe kuhwera omukurwanisa kanyagombwa

N’ebya Mary Karugaba

Gavumenti eine enteekateeka y’okutoorana abaserukare 1,000 kuhwera abahingi omukurwanisa bwa kanyagombwa oburikumanywa nka Africa Armyworm.

Kurugiirira ahanganzi y’eihanga, Robunah Nabbanja, abaserukare aba harimu n’abahwereire okurwanisa enzigye omu Burigwa-eizooba bw’ihanga omumwaka 2020. Abaserukare aba nibaija kuhwera omu kufuhirira kanyagombwa ezi.

Obu abaire nahayo ekihandiko omumaisho ga paramenti ahanshonga y’okukutahirirwa kwa kanyagombwa n’emiringo eriyo n’ekoresiibwa kuzirwanisa, Nabbanja agiizire ngu gavumenti erikurabira omu Minisiture y’obuhingi n’oburiisa eguzire lita 23,000 z’omubazi ogwa Cypermethrin 5EC kubufuhirira.

Ogu akyorekire ngu okugaba omubazi ogu omu disiturikiti eziteeganisiibwe kwatandikire.

Obukooko obu bubarukireho omu disituriki 40 aharimu Kiruhura, Mukono, Wakiso, Katakwi, Bukedea, Bugweri, Mityana, KIRYANDONGO, Luwero, Nkapiripiriti, Bulambuli, Oyam, Nwoya n’ezindi.

Kanyagombwa egi erikweshushaniriza ekinyabwooya nekira kutahirira ebicoori, oburo, omugusha, ebikweijo hamwe n’ebinyatsi.

LEAVE A REPLY