Omusinga tarwire! – Omugambirizi

325
0
SHARE

N’ebya Betty Amamukirori

Obusinga bwa Rwenzururu bwahakanisa amakuru agarikurabamu gagumize ngu Omusinga waabo, Charles Wesley Mumbere arwire.

Obusinga bwahakanisa ebi bwanyima y’amakuru kurabanamu ahamikura ya za intaneeti gagumize ngu Omusinga waabo, orikutuura omuri Muyenga Kampala obwa hati, arwire arikubi ngu kandi tabaasize kwikirizibwa kutunga okuragurirwa kuruga aheeru y’eihanga.

Mumbere omugwa 2016 akateebwaho emishango  y’obwitsi kandi nka kamwe ahabushonshorekye bw’okwerererwa; kooti enkuru ekamwihaho ebihandiiko ebirikumugambaho yaaba natambura kandi yaamuzibira okutambura kurenga omuri Kampala nangwa n’obu kwakuba okuza omubusinga bwe.

Obusinga, kandi hoona omukihandiiko ekishohoziibwe omugambirizi wabwo, John Thawite nyomwebazyo orwakabiri 12.04.2022, kigizire ngu amakuru agarikurabira ahamikura ya intaneeti agarikugira ngu Omusinga ari omumbeera mbi ti mazima.

“Obwebembezi bw’Obusinga Bwa Rwenzururu nibumanyisa abazaana hamwe n’abo abarikubwendeza ebirungi ku twagamba n’Omusinga kandi twine amashemererwa kubamanyisa ngu ebibeire nibigambwa ahamikura ya intaneeti ngu tibihikire,” Thawite nikwo agizire.

Ayongyeire yaagira ngu. “N’ahabw’ekyo, titurikwikiriza ebishuba nk’ebi kandi nitushaba abazaana hamwe n’abandi boona kubiihaho amaisho.”

Arabwire abantu abarikutambuza ebishuba ebi kurekyera aho kugamba ebirikureetaho okuguubwa kubi omubusinga.

LEAVE A REPLY