Nyine amatsiko kusinga obwa MP wa Omoro ahakakongi aka NRM – Andrew Ojok

362
0
SHARE

Mutabani wa Oulanyah yagamba aha karuuru k’eishaza rya Omoro

N’ebya Umaru Kashaka

Andrew Ojok, omutabani omukuru ow’obaire ari Sipiika w’eishengyero Jacob Oulanyah, yagamba ahaky’okwesimba ahantebe y’omuny’eishengyero w’ishaza rya Omoro obwo arikuza omubigyere by’ishe.

Ojok, 32, yagambira yaatugambira eriizooba Orwakashatu, 13/4/2022, ngu ayetebeekaniise kuza omukaruuru k’okutoorana oraaze omubigyere by’ishe, Oulanyah, 56 owaitsirwe kansa ebiro 20/3/2022 omururembo Seattle omuri America.

Ekitongore ky’eby’oburuuru kihingwize ebiro 26/5/2022 nk’eizooba ry’okutoorana oraaze omubigyere by’obaire ari omuny’eishengyero w’ishaza rya Omoro.

“Nyine omugisha gw’okutunga emikago ya Taata. Twine tiimu nungi y’okutuhabura omuby’obutegyeki, n’ab’okukwatanisa nabo omu ihanga,” Ojok nikwo yaagira omu yaaba ari omumakagye g’obuzaarwa omuri Omoro.

Ojok yaagira ngu aine amatsiko naija kusinga aha bendera y’ekibiina ekya NRM obwo agumize ngu ogu n’omuringo gumwe kurekaho eiziina ry’ishe ahabw’okuba akaba akunda obusingye, rukundo, okukwatanisa n’okusaasirana.

Eka ye yaamuhiingwize kuza omuntebe ebaire erimu ishe kuhendera encuro ye.

LEAVE A REPLY