Kanyamunyu ariho ahuriire – Uganda Prison Services

423
0
SHARE

N’ebya Charles Etukuri

Ekitongore ekirikujunaanwa n’ebihome ekya Uganda Prison Services eriizooba, 12/4/2022, kyahamya ku Mathew Kanyamunyu ariho ahuriire.

Frank Mayanja Baine yaashohoza ekihandiiko arikuhakanisa amakuru agatwaire nigajanjaara ku Kanyamunyu afeereire omu kihome.

Baine yaagira ngu Kanyamunyu ahuriire kandi ariyo natunga ekibonerezo kye omu kihome ekya Kitalya obwo arikuhakanisa amakuru ngu abaire afiire.

Omukwezi kw’ikumi na kumwe 2020, Kanyamunyu akoherezibwa omu kihome kumara emyaka 5 ahamishango y’obwitsi bwanyima ya kooti kumusingisa omushango gw’okwita Akena omumwaka 2016 atakigyendereire.

Omushango gwe gw’obwitsi gukakyendeezibwa DPP bwanyima y’okwehozaho omu kooti enkuru omuri Kampala.

Puriida we, Peter Kabatsi akagira ngu DPP akaikiriza kukyendeeza ekiheneso kya Kanyamunyu. Ogu nagambwa kuba yaitsire Akena ebiro 12/11/2016 ahanguuto nyeigyendwa eya Kampala- Jinja.

Ah’eizooba eri, Kanyamunyu na Akena bakatunga butandu ekyarugiremu omunyurirano nikwo Kanyamunyu kuteera isasi Akena omukifuba.

Omuramuzi Stephen Mubiru akacwamu ngu gukaba guri omurundi gw’okubanza Kanyamunyu kuhenda ebiragiro kandi ahabw’okugira ngu akatwara omugyenzi omu irwariro, kooti ekaikiriza okushaba okukomwa emyaka 6.

Beitu kooti ekakyendeza emyaka ye n’ameezi 11, ekirikumanyisa ngu n’ow’okuheza emyaka 5 omukihome.

LEAVE A REPLY