Omukazi, 45, aitsirwe abainazi omuri Rukungiri

179
0
SHARE

N’ebya Charles Etukuri

Poorisi omuri Rukungiri bariyo nibahiiga abantu abatakamanyirwe abarikuteekateekwaho kuba baitsire omukazi w’emyaka 45 omukiro ky’orwamukaaga ebiro 09.04.2022

Elly Maate, omugambirizi wa poorisi y’ekyanga ekya Kigezi, agizire ngu oitsirwe amanyirwwe nka Ketty Kyampaire, omutuura w’omukyaro kya Bikongozo, omuruka gwa Bikongozo, egomborora ya Nyakishenyi omu disiturikiti ya Rukungiri.

“Nikigambwa ngu aharwamukaaga shaaha nka 5 z’ekiro, nyakwitwa akahurirwa omutabani, Aaron Nasasira, arikutongana n’abantu abatakamanyirwe omubuduuka bwa Bikongozo, obwo asinzire,” nikwo Maate agizire.

Agizire ngu ahabw’okushanga ngu omutabani nawe akaba asinzire hamwe n’ahabw’okugira ngu nyakwitwa ku abeire nasinda atandika kutaahirira abantu, tafeireyo kushwijuma ekibeire nikitonganisa nyina.

“Agyenzire yaaza kuraara omukishengye ekindi kuhisya aha Sande 10.04.2022 ahari shaaha nka 1 n’ekicweka z’akasheeshe obu mukuru we Innocent Ampaire amwimukize arikumumanyisa ku nyina bamwitiire omumaduuka ga Bikongozo,” Maate nikwo ayongyeireho.

Agizire ngu Ceyamaani w’entebe y’okubanza ahabw’ekyanga eki, Didas Tumwine, ahaire abapoorisi ba Kirimbe kandi hoona abongyeire bakamanyisa poorisi eya Rukungiri kugumizamu kureeba omunshonga egi.

Poorisi egizire ngu orikwebembera eby’okucondooza emishango aha disiturikiti ahikire ahamwanya ogu baitiireho omukazi ogu kwongyera kumanya ahakikorwa eki kandi oomubiri gwa Ketty gutwairwe omu irwariro Kisiizi kumanya oku afire.

Okucondooza nikugumizamu omumaisho.

#WestUpdates

LEAVE A REPLY