Oulanyah abaire ari omuzaire wa boona – Aakibiishopu Kazimba

378
0
SHARE

Okushabira omubiri gw’obaire ari Sipiika w’eishengyero , Jacob Oulanyah kuriyo nikugyenda omumaisho ahakishaayi ekya Kololo.

Purezidenti Yoweri Museveni ori omugyenyi mukuru n’omukazi ws kandi Minisita w’eby’obwegyese, Janet Kataha naabo bahika ahakushaba oku.

Omubutumwa bwe bw’okushasha, Aakibiishopu w’ekanisa ya Uganda, Dr. Stephen Kazimba Mugalu yaagamba ahamugyenzi Oulanyah nk’obaire narwanirira oburinganiza, omuntu obaire nashagika purogyekiti z’ekanisa kandi obaire ari omuzaire wa baingi oihireho abaana abu ayezaarire.

Aakibiishopu Kazimba yaashaba okuhindura omu eiteka ery’okutoorana Sipiika omusya, obaire ariho atakazikiirwe , kyabaho Uganda ekagaruka ekafeerwa Sipiika.

Beitu hoona Dr. Kazimba yaashaba kuhabaho okugamba embeera eri omu eihanga nk’okutemba emihendo y’emishuuburo, obwimukyero oburi omukyanga ekya Karamoja, obushomankuzi, okwebaganisamu omu bibiina by’obutegyeki n’omunganda.

Bwanyima y’okushaba kw’eriizooba, omubiri gwa Oulanyah nigwiija kutwarwa omunyonyi omukyaro kya Lalogi omu disiturikiti ya Omoro kuheereza omugisha gw’abantu b’owaabo kucuriira omwana w’eitaka.

Oulanyah owaitsirwe ebicweka by’omubiri kurekyeraho kukora aha Sunday ebiro 20/3/2022 omuri Seattle America naija kuziikwa Orwakataano ebiro 8/4/2022 omuri Omoro kandi eizooba eryo niryija kukuziibwa nk’ekiro kikuru omu eihanga.

LEAVE A REPLY