Omusirukare wa SFC aitsire omukundwa we, naawe yaaheeza yayeyita – Kiruhura

497
0
SHARE

Pooriisi omu disiturikiti ya Kiruhura eriyo necondooza omushango ogu omusirukare wa UPDF orikukora na SFC Commando Brigade omuri Ruhengyere ataire amasasi enkunzi ye naawe nikwo kuheeza kweyita.

Samson Kasasira, omugambirizi wa pooriisi ey’ekyanga ekya Rwizi yagamba ahamusirukare ogu nka Private Dickens Nuwamanya, 27, otaire amasasi 3 omukifuba omukundwa we Patience Kamarembo, obaire nakora omubara omutauni eya Rugaga trading centre nikwo kumwitiraho.

Beitu hoona Nuwamanya ku aheerize naawe yaayeteera amasasi omumutwe yaafeeraho.

Kasasira naagira ngu enshonga eretsireho obwitsi obu tekamanyirwe beitu hoona okucondooza kwatandikire.

Emibiri yaabo yaatwarwa ah’irwariro erya Kiruhura HC4 kukyeberwa kandi pooriisi ebasiize kuzoora embundu y’ekiika ekya SMG AK47 ekoresiibwe omukikorwa ky’obwitsi.

WestUpdates

LEAVE A REPLY