Ofiisi ya IGG na CSOs kureebuza esente z’empungi

275
0
SHARE

Ofiisi ya IGG na CSOs kureebuza esente z’empungi

N’ebya Michael Odeng

Ofiisi ya Kariisho-riisho wa Gavumenti n’ebitongore ebirikureebuza emikorere y’ebitongore bya gavumenti (CSOs) bakozire endagaano kukwata buri omwe orashomankure shiringi biriyooni 720 ez’empungi.

Endagaano egi n’ey’okugaruza busya okwehayo kurwanisa oburi-bw’enguzi omukuta omunkora purogyekiti y’empungi eya DRDIP omu disiturikiti 15 ezirimu empungi omu eihanga ryona.

Omuhwezi wa Kariisho-riisho wa Gavumenti, Dr. Paticia Achan Okiria, naarabura ngu habaho okuryangatanisa sente ezi, nibeija kucondooza kandi baabonereze abashumankuzi.

“Obujunaniziibwa bweitu omungyenderwaho y’eihanga n’okuretaho obwebembezi burungi, okumanyisa abantu n’okureeba ngu ebiragiro byakuratiirwa n’okurwanisa oburi-bw’enguzi n’obushomankuzi omu ofiisi za gavumenti,” Dr. Okiria arikugamba.

Ogu agiizire ngu purogyekiti y’emyaka 5 erikwija kuheezaho shiringi biriyooni 720 eshashurirwe World Bank Organisation omu disiturikiti eza Adjumani, Arua, Hoima, Isingiro, Kamwenge, Kikuube, Kiryandongo, Koboko, Kyegegwa, Lamwo, Madi-Okollo, Moyo, Obongi, Yumbe na Terego.

Purogyekiti egi egyendereire okutunguura nokuhitsya abantu obuheereza burungi, okwongyeraho emigisha y’entaasya n’okurinda eby’obuhangwa.

Okiria naagira ngu ofiisi ya Kariisho-riisho wa Gavumenti neija kureebuza purogyekiti egi kureeba ngu esente ezi zayejunisiibwa gye kandi n’abantu batunga obuheereza .

LEAVE A REPLY