Orufu rwa Oulanyah kuhhezaho shiringi biriyooni 1.8

350
0
SHARE

Orufu rwa Oulanyah kuhhezaho shiringi biriyooni 1.8

Paramenti ehiingwize embariirira erikuhika shiringi biriyooni 1.8 kuhwera omu kutebeekanisa orufu rw’obaire ari Sipiika w’eishengyero, Jacob Oulanyah.

Okushaba kw’okushwijuma omu kuhinguza embariirira y’esente egi ehairwe omumaisho ga paramenti Orwakabiri nyomwabazyo Minisiture y’eby’esente omukushutama okubairwe kwebembeirwe Omuhwezi wa Sipiika, Thomas Tayebwa.

Amos Lugoloobi, Minisita ww’eihanga ow’eby’enteekateeka, ashabire akakiiko akarikukurira eby’embarira kuheereza birriyooni 1.8 ez’okutebeekanisa orufu rwa Oulanyah, owagwire omuri Seattle, America ahabiro 20/3/2022.

Beitu hoona Lugoloobi ashobooreire ngu embariirira erikuhika shiringi biriyooni 2.5 ebaire nejanjaara aha mikuura ya kanyabwengye, niyo mbariirira ei babandize kutebeereza.

N’obu Minisita tagambire oku esente ezi zirakoresiibwemu, beitu hoona agiizire ngu kihikire okuheereza Omugyenzi orufu rw’ekitiinisa

Omubiri gwa Jacob Oulanyah nigwiija kuziikwa Orwakataano ebiro 8/4/2022 wiiki erikwija omuri Omoro.

LEAVE A REPLY