Empungi kuruga DRC

445
0
SHARE

Omubaro gw’empungi kuruga omu eihanga erya DRC nibeyongyera kutaha omu Ugnada bwanyima y’okurwana ahagati y’abahekyera aba M23 n’amahe ga Congo aga FARDC.

Ab’eby’okwerinda nibaagira ngu empungi abariyo nibataha omu eihanga kuruga DRC kurabira ahansharo eya Bunagana nibaronda obuhwezi bw’ah’okutuura, oburinzi n’eby’okurya.

Habaireho okutyankana kw’amasasi aha rushozi orwa Sabinyo na munonga omubyanga ebya Runyonyi, Kyanzo, Bugusa na Kyengerero, aharikwingana kilomita 4 kuruga ahansharo eya Bunagana omukyanga ekya North Kivu.

Empungi ezitahire omu Uganda nyomwabazyo, Orwokubanza bakwatsibwe  ab’eby’okwerinda n’ekitongore ekirikureberera empungi ekya UNHCR nikwo kubatwara omu kampu y’empungi eya Nyakabande.

Ekigombe ky’abahekyera ekya ‘The March 23 Movement’ ekirikumanywa nka M23 nikishangwa omu Burigw-eizooba bw’eihanga erya DRC kandi nibakorera omukyanga ekya North Kivu.

LEAVE A REPLY