Omuhwezi wa Sipiika yafeerwa nyin’enkuru ebiro bikye agiire omu ofiisi

426
0
SHARE


N’ebya Charles Etukuri

Thomas Tayebwa, omuhwezi wa sipiika oherize kutooranwa enshumi nkye ehweire, yafeerwa nyinenkuru bwanyima y’ebiro 2 kuza omu ofiisi ensya

Arikurabira ahamukura gwa intaneeti ogwa Twitter aha Sunday 27.03.2022, Tayebwa yaagira ngu wiiki 2 enyima akataayayiraho nyinenkuru owaamuhaire emigisha.

“Wiiki 2 ezihweire, nkataayayira maawenkuru Katima Tiruhongyerwa Omurara Munte wa Kagunga owampeire emigisha kandi nikwo kungambira ngu asigaize ebiro bikye omumagara g’ensi egi. Bwanyima y’okukuzibwa kwangye kuba omuhwezi wa Sipiika, yaafeera omubusingye ahamyaka 99. Irooko ohuumure kandi oshemererwe na ba maraika omu Iguru, Kaka,” Tayebwa nikwo yahandiika aha Twitter eriizooba.

Tayebwa kandi ori omujwekyerwa omu ishengyero ahabw’ishaza erya Ruhinda ey’amatemba, niwe abeire akwateire ekibiina kya NRM ebendera  kandi ateereirwe akaruuru kuba omuhwezi wa Sipiika w’eishengyero rya 11 n’oburuuru 379 nikwo kusinga Moses Okot p’Bitek ow’orubaju oruhakani otungire oburuuru 82.

Ogu agiire omubigyere bya Among Anita omujwekyerwa omukazi omu ishengyero ahabwa Bukedea  kandi hoona obeire akwateire ekibiina kya NRM ebendera kandi osingire omujwekyerwa omu ishengyero ahabw’orurembo orwa Bugiri, Asuman Basalirwa obeire akwatsire ebendera y’ab’orubaju oruhakani. Among akaihayo oburuuru 401 nikwo kuza omubigyere bya Jacob Oulanyah orugire omumagara g’ensi egi omuri Amerika wiiki ehweire bwanyima y’okurwanisa obuzibu obwine akakwate n’ekookoro.  Basalirwa akatunga oburuuru 66 bwonka kandi akaruuru akandi kakashazibwamu.

#WestUpdates
#RIPOulanyah

LEAVE A REPLY