Abasiraamu bashabirwe kwesaasiza omubwire bw’ekisiibo

400
0
SHARE

N’ebya Ramadhan Abbey

Obwo harikuburayo haihi wiiki ekisiibo ky’okwezi kwa Ramadhan kikatandika, abasiraamu bashabirwe kusherura okusaasirwa hamwe n’okushabira obumwe obwo barikwetebeekanisiza obwire bw’ekisiibo.

Ramadhan neteekateekwa kutandika omukutandika kw’okwezi okwa kana okurugiirira ahambara y’obwire omumuringo gw’ediini ey’abasiramu.

Nyomwebazyo aharwakataano ebiro 25.03.2022, Sheikh Yunus Kamoga, Amir Ummah ow’orubaju orw’aba Tabliq, agambeire abaikiriza ngu n’obujunaanizibwa bwa buri mwikiriza kushaba okusaasirwa

Ogu arikugamba n’abaikiriza ahari Nakasero omuri Kampala, Kamoga agizire ngu Ramadhan n’okwezi kw’okusherura emigisha ahi buri kimwe eki orikukora Allah arikubaasa kukibazamu emirundi mingi

Omubwire bw’ekisiibo, abasiraamu nibashoma Kuraani kandi bashaba eshaara z’okuhuumuraho

“Hati n’obujunaanizibwa bwa buri musiraamu kureebak ngu Allah yaabasaasira omukwezi oku okurikwija okwa Ramadhan,” Kamoga nikwo agizire.

Ramadhan n’okwezi kwa 9 omumbara y’obwire omumuringo oku abasiraamu omunsi yoona barikuha ekitiinisa  nk’okwezi kw’okusiiba, okushaba, n’okweteera omumutima.

Omubwire obu nimwo Kurani, ekitabo ekirikwera eky’abasiraamu, erikugambwa kuba yashuuruurirwe omurangi Muhammad

Ahabw’okuba emwe ahanyomyo 5 ninga shi obujunaanizibwa bw’obusiraamu, okusiiba n’okwa buri musiiramu weena okuzire kandi aine amagara marungi.

Abaana abatakahikire omumushogoyo, ba kirinju hamwe n’abantu abo abaine obumuga nainga abatatereire omumiteekateekyere yaabo tibarikuheebwa bujunaanizibwa bw’okusiiba.

Abakazi b’enda, abarikwonsya hamwe na’abantu abari ahangyendo nabo tibarikuheebwa bujunaanizbwa bw’okusiiba.

LEAVE A REPLY