Abany’eishengyero Ssegirinya, Ssewanyana nibenda obwa Sipiika

374
0
SHARE

N’ebya Farooq Kasule 

Abanyeishengyero abari omunkomo, Allan Ssewanyana owa Makindye West yashaba ba puriida be kutayo okushaba kwe kw’omwanya gw’obwa Sipiika w’ishengyero kandi mutahi we Muhammad Ssegirinya owa Kawempe North nayenda obw’omuhwezi wa Sipiika entebe egi baagirangirira nketaine muntu.

Eki nikijaho bwanyima y’okufa kw’obaire ari Sipiika wa paramenti, Jacob Oulanyah, owagwiire omu irwariro Seattle Washington omuri US ahu abaire natungira obujanjaabi.Bamwe ahabantu abashabire obwa Sipiika harimu omuhwezi wa Sipiika, Anita Among kandi yaaheeza kurabamu, entebe ye neija kugumiraho.

Abanyeishengyero aba obwahati bari aha rimanda omukihome ekya Kigo ahamishango y’okwita eine akakwate n’obwitsi bw’abantu obwabaire omukyanga ekya Masaka empango omwaka oguhwaire.

Aba baaragiire ba puriida baabo Shamim Malende, Erias Lukwago na Asuman Basalirwa kurabira aha mukuura ogwa Zoomu nyomwabazyo obu babaire nibareebeka omumaisho ga kooti y’omuramuzi omuri Masaka.

Akaruuru k’okutoorana Sipiika omusya owa paramenti nikaija kuteerwa nyencakare Orwakataano ahakishaayi Kololo obwo eihanga riri kweteekateekyera okuziika kwa Oulanyah.

LEAVE A REPLY