Oulanyah afiire atatungire bujanjaabi – Dr. Aceng

258
0
SHARE

N’ebya Maria Wamala

Sipiika wa paramenti, Jacob Oulanyah afire atakatungire obujanjaabi obu abaire agiire kutunga omuri Seattle Washington, America ahabw’okuba abashaho babaire bakiriyo nibamubaisa gye kurugiirira ahari Minisita w’eby’amagara, Dr. Jane Ruth Aceng.

Aha kikomi ekibaire omumaka ga Oulanyah omuri Muyenga, Kampala ekiro kya nyomwabazyo Sunday 20/3/2022, Dr. Aceng atandikire arikushoboorora enshonga y’okutwara Omugyenzi Seattle.

“Abantu abaingi batwaire nibebuuza ahabw’enki Seattle. Okujanjaabi ningashi tekinologiya ei tubaire nitwenda eri omumahanga 3 omunsi aharimu Germany, France beitu hoona tekinologiya ekatandikira Seattle,” Aceng arikushoboorrora.

“Ahu twagire kumutsindikayo, akaba arikubi. Kikatwarira abashaho obwire okubanza bamubaisa gye kandi afiire atatungire obujanjaabi bwenyini. Obu obwire bwona, babaire nibagyezaho kumubaisa gye,” omubigambo bya Minista

Dr. Ruth Aceng, Omuhwezi wa Sipiika, Anita Among, Ishe-abaramuzi, Alfonse Owiny-Dollo n’orikukurira ekibiina kya DP, Norbert Mao n’abanyabuzaare ba Sipiika bakaza omu rurembo Seattle omuri America wiiki ehwaire kumurebaho.

“Tukagira omugisha gw’okumureebaho Orwakashatu n’Orwakaana. Akaba atarikugamba.Akaba aigura amaisho arira. Nkashaba naawe, akaguma naikiririza omutwe, eki nakyengire ngu akaba namanyisa Amiina. Beitu hoona obu abaire ari omu eirwariro, kuza kuruga omu woodi yaboona kuhika omu intensive, ntwaire ningamba nawe. Bibaire bitorobi,” – Dr. Jane Aceng.

Abahikire aha kikomi nyekiro, hahikireho ba minisita ba kabineeti bebembeirwee Enganzi y’eihanga, Robinah Nabbanja, abany’eishengyero bebembeirwe Omuhwezi wa Sipiika, Anita Among, abakozi ba paramenti bebembeirwe Karaani Adolf Mwesige, akakiiko ka NRM aka CEC kebembeirwe omuhandiki mukuru wa NRM, Richard Todwong, banywani be n’abanyabuzaare.

LEAVE A REPLY