Mweteekateekyere eza Parish Development Model – Minisita Kasaija

739
0
SHARE

Minisita w’eby’esente Matia Kasaija ashabire abantu abarikukunda kuhinga n’okuriisa kuguma kuza omumworeko gwa Vision Group ogwa Harvest Money ahakishaayi Kololo agumize ngu batandikireho omuringo gw’omutaano ogw’okuheerezamu amakuru

Agizire ngu abahingi n’abariisa abarikuza omumishomo erikushomesa ebintu bitari bimwe na bimwe nibatunga emyoga misya hamwe n’obwengye ebirikubahwera kwongyera ahamishuuburo ya faamu n’emisiri yaabo.

Kasaija agambire ebi bwanyima y’okugaaniiraho n’abahingi abagiire omumushomo gw’okuriisa embuzi, gumwe ahamishomo mingi etebeekanisiibwe Vision Group omumworeko gwa Harvest Money ahakishaayi Kololo.

Emishomo egi ekozirwe Grace Bwogi, omuhingi kandi omuriisa rurangaanwa kuruga Kibanda omuri Rakai na Edgar Muhumuza omuhingi kandi omuriisa kuruga omuri Isingiro. Kasaija asiimire Vision Group ahabw’okutebeekanisa omworeko  na munonga emishomo, ei agizire ngu netebeekanisa abahingi n’abariisa obwo barikweteekateekyera kwakiira sente za purojekiti Parish Development Model.

Agambeire abahingi kureebeka ngu baareeberera kurungi embuzi ahabw’okuba niziha amagoba g’ahaiguru. Abagaineho obuhabuzi n’abariisa abandi oburimu okurwanisa n’okurwanisa endwara na munonga omubwana bw’embuzi.

Ogu agizire ngu atangaire ahabw’okugira ngu baingi babaire batarikumanya ebintu bingi ahakuriisa embuzi kandi yabashaba kusherura obwengye ku baraabe nibenda kusingura omumirimo egi. Hoona nabwo ayorekire obutashemererwa n’eminyeto abakiine enteekateeka mbi ahanshonga zimwe ekintu ekirikubareetera baaremwa kusingura.

Arikugarukamu omunyeto kandi hoona obaire nayetomboitira Gavumenti ahabw’okuremwa kugira eki yaakora kukyendeeza ebeeyi y’amajuta, Minisita agizire ngu gavumenti teyine kakwate n’emihendo y’amajuta eriyo neyeyongyera okutemba.

Ahabwire eminyeto kukoresa omugisha gw’embeera eriho kukora bakagaigahara omubwire bw’okutonzya. “Nindeeba ngu nitwetaaga empinduka omunteekateeka y’eminyeto, abaingi nibatekateeka kubi kandi buriijo nibataho enshonga z’okwekwatsa ahabw’obutagaigahara,” nikwo agizire. Agizire ngu akatandika n’embuzi kwonka obwa hati aine faamu mpango kandi yaagaruka yagambira abantu obutatiina okutandika na kakye. Agizire ngu abanya Uganda baine omugisha gw’okugira ngu gavumenti eriyo neija kurekura sente z’entandikwa kutandika na shiringi 17m buri parish  ezirikuza kwongyerwa kuhika ahari shiringi 10m kutandika n’omwaka omusya ogw’eby’esente ogurikutandika okwezi kwa 7.

Orikukurira Vision Group, Don Wanyama, asiimire Minisita ahabw’okubagana amagyezi maingi nk’omuriisa w’embuzi rurangaanwa. Agizire ngu naija kuguma nayeta Minisita aha tiivi n’amareediyo ga Vision Group kuhajaana n’ahanshonga ezindi zitari ez’okuriisa

#WestUpdates
#ObuhingiNoburiisa
#HarvestMoneyExpo

LEAVE A REPLY