Uganda Prisons bari omurutaro rw’okwongyera abahingi embibo

265
0
SHARE

N’ebya Eddie Ssejjoba

Obwo barikukuratira ekiragiro kya Purezidenti Museveni  omugwa 2017, kuhwera abahingi n’abariisa abaabeire nibasharukira omukugura embibo z’ebicupuri kuruga omubutare, ab’ebihome bakejumbira omumurimo gw’okuha embibo.  Aba nibashohoza embibo z’ebicoori, pamba n’amacanda ez’omutindo ogw’ahaiguru ezi barikuguza abahingi ahabeeyi y’ahansi.

Peter Okedi, orikukurira eby’okusherura obutare arikukora omurubaju orw’abarikuguza ebihingwa hamwe n’okubijanjaaza omubantu nagira ngu omwebembemzi w’eihanga akareeba ngu abahingi abaingi bakaba nibafeerwa munonga kandi barikusharuura emisharuuro mikye munonga kuruga omumisiri yaabo ahabw’okugura embibo z’omutindo gw’ahansi munonga kuruga omukatare nikwo kuragiira ab’ebihome kurugayo bakataba ekiina ekyo.

“Itwe, okwija kwaitu n’okw’okukora ahabizibu by’eibura ry’embibo ez’ahamutindo,” nikwo yashoboorora. Okurugiirira ahari Okedi, bateireho emyanya y’okukanyisizamu embibo ahari Ruimi Farm omuri Kabale, Amita omuri Abim, omukyanga ekya Karamoja, kandi bariyo nibeteekateeka kwiguraho n’omwanya gumwe omu faamu y’ekihome ekya Kitalya.

Omumyanya egyo nibabyara embibo ey’ekikura eky’ekishaija n’eky’ekikazi omumwanya oguri kuba gutoorainwe kandi hatarimu bimera ninga ebihingwa ebindi byona. Embibo egyo ku erikuheza kuraba ah’idaara ery’okwemesibwa, ekirikurugamu neeba embibo ey’enyongyesereza.

Embibo erikuba ekanyisiibwa erimu ei barikumanya nka Open Pollinated Variety (Longe 5D), kandi egi terikuteerwa kyanda, Hybrid UH5015 na Hybrid UH5355, kandi ezi nizigambwa kuba nizituubuuka munonga.

Okedi naagira ngu ku orikubyara hiika y’embibo eya 5355, nooba oine amatsiko g’okusharuura ahagati y’enshaho 25 na 30. Embibo eya Longe5D neerugwamu omushaaruuro mukye wagyera-gyeranisa n’emiringo endiijo ngu kwonka nesharuurwa omubwire bugufu oburi ahansi y’ebiro 90.

Baine enteekateeka y’okureetaho Soya hamwe n’ebihimba. “Okwija kwitu nikwija kuhwera kukyendeeza omwanya gw’eibura ry’embibo eziri ahamutindo kandi kuuboneze akakwate aku twine n’abahingi,” nikwo Okedi yaashoboorora. Kiro 1 eya Longe5D eri ahari shiringi 2500, eya UH5355 eri ahari shiringi 5,000 kandi eya UH5051 eri ahari shiringi 4,000. Embibo z’ebicoori niziguzibwa omubupakiti bwa kiro 2 ahari shiringi 10,000 hamwe na kiro 5 ahari shiringi 20,000.

#HarvestMoney
#ObuhingiNoburiisa

LEAVE A REPLY