Uganda etsindikire amahe agandi omuri Somalia

472
0
SHARE

N’ebya Umaru Kashaka   

Uganda etsindikire amahe agandi omu eihanga erya Somalia kuhwera omu kurwanisa ekigombe ky’abanyambundu aba Al-Shabab.

Omuduumizi w’amahe g’eihanga, Gen Wilson Mbadi niwe akurire omukoro gw’okwehoreza amahe aga BG XXXV ababaire nibatendekwa ah’itendekyero ery’eby’obusingye omuri Singo disiturikiti eya Nakaseke.

Ogu asiimire amahe aga okwehayo kukorera eihanga nikwo kubashaba kugira emicwe mirungi bababari Somalia.

UPDF eine amahe garikurenga omuri 6,000 ahansi ya puroguraamu ya UN ey’obusingye eya AMISOM.

Gen Mbadi beitu hoona ashabire amahe aga kuta omunkora obukugu obubatungire ahabw’okuba n’entumwa za Uganda omuri Somalia. Ogu akyorekire ngu UPDF eri ahamusingye gw’emicwe n’okwehayo.

LEAVE A REPLY