N’ebya Umar Nsubuga
Ebishushani n’ebya Simon Peter Tumwine
Wilson Asher Okurut omwe ahabatendeki kuruga omu NARO yaagira ngu Uganda ni rimwe ahamahanga agarikwebembera omukuhinga ebitookye.
Okurugiirira aharipoota y’omwaka ogwa 2020 ey’ekitongore ekirikureebereza eby’omutindo gw’emishuuburo n’obuheereza omu ihanga ekya Uganda Bureau of Standards, omwaka oguhwaire eihanga ribaire nirisharuura haihi taani 10 zirikuruga ah’itaka ririkwingana hiika 0.63m kandi ebi nibiba nibiruga omubahingi abarikuba baine emisiri mikye erikukira kuba eri ahagati y’ekicweka kya hiika na hiika 2.
Okurut yaagira ngu omuhendo gw’ebitookye ogurikuruga omu ihanga nigubaasa kweyongyera emirundi 2 kuhisya ahari taani zirikuhika miriyooni 31 baaba bakoreise tekinologiya eriho hati omuby’oobuhingi n’oburiisa, oteiremu n’emiringo y’ebitookye etarikukwatwa ndwara kandi ebirikwera munonga, ebikoresa by’omutindo ebirikukoresibwa omukubyara hamwe n’okukoresa tekinologiya eri ahamurembe.
