Harvest Money Expo 2022: Buri kimwe kyatebeekanisiibwe!

872
0
SHARE

N’ebya Carol Kasujja Adii, KAMPALA
Ebishushani n’ebya Miriam Namutebi

Obwo gurikugyendera ahamutwe gwa “Eby’obuhingi N’oburiisa nk’eby’obushuubuzi, omworeko gw’eby’obuhingi n’oburiisa ogwa omwaka ogu kandi ogu baingi barikumanya nka #HarvestMoneyExpo2022 obwa hati gutegyereize eizooba erya nyencakare ryonka kutandika.

Omu eihangwe ry’eriizooba, Orwakana ebiro 17.03.2022, abantu batari bamwe na bamwe abarikwija kuba nibooreka ebintu byabo baagumira omushana kandi baasimba ebyapa byabo barikwetoroora kishaayi ekya ‘Kololo Independence Ground’.

Aba kandi hoona nabwo baamariira okutebeekanisa emidaara yaabo bategyereize eizooba ry’okusiiba nibooreka, nyencakare orwakataano ebiro 18.03.2022.

Omworeko gw’eby’obuhingi n’oburiisa ogurikuza kumara ebiro bishatu nigutandika nyencakare kuhisya aha Sande ebiro 20.03.2022 ahakishaayi Kololo.

Kuruga omukasheeshe, abakozi ba Vision Group bagumire omukwetebeekanisiza omworeko obwo barikugaaniiraho n’abagyenyi abaaba baahikireho.

Na mbwenu iwe ku oraabe nooza Kololo nyencakare, koresa omuhanda ogwa Wampewo Avenue okwenda kwanguhirwa.

Okushomesa omumworeko ogwa Harvest Money 2022 okurikwija kutandika nyencakare hati bakuhanguhize bwanyima y’okwongyeramu ebindi wagyera-gyeranisa n’emyoreko eizire neebaho enyimaho.  

“Abo abarikuza kushomesibwa nibaija kuhwerwa ahakutunga obwengye, emyoga n’emyoga erikuza kubaha omujinya. Aba kandi hoona nabwo nibaija kuheebwa amagyezi hamwe n’enteekateeka ezirikuza kubahwera okubaasa kukoresa na tekinologiya ensya n’emiringo yaayo,” Rogers Anguzu, orikukurira eby’obutare n’empurizana omu Vision Group nikwo yaagira.

Ebirikukoresibwa omumafaamu n’emisiri nk’ebika byona ebya za karakita, nka za karakita ezi omuntu arikukoresa arikutambura, byona nibiija kuba nibyorekwa.

“Ntuura ninyija omumworeko ogu ahabw’okuba nigutuha omugisha muhango kworeka emigisha ehikire omu ihanga omubikwatiraine n’obuhingi n’oburiisa kandi nabwe nitwega kuruga ahabarikworeka ebintu byabo,” omwe ahari abo abarikworeka ebintu omumworeko nikwo yaagira.

Omworeko ogu ogwa buri mwaka gukatandikwaho Vision Group n’obushagiki kuruga ahakitebe ekikuru ky’eihanga erya Netherlands n’abandi baingi. Abo boona abarikuza omumworeko ogu nibaija kushashura shiringi 10,000 kutaahamu kandi abo abaine enteekateeka kuza omumishomo nibaija kwongyeraho shiringi 10,000 ezindi

#WestUpdates

LEAVE A REPLY