Ekikwekweto kya Shujaa omuri DRC kurwanisa aba ADF – Purezudenti Museveni

255
0
SHARE

Purezidenti Yoweri Museveni ori Ceyamaani w’ekibiina ekya NRM ashobooraire akakiiko k’abany’ishengyero ab’ekibiina eki aha ‘Operation Shujaa’ omu ihanga erya DRC.

Ekikwekweto eki nikijaho bwanyima y’okukora endagaano ahagati ya Uganda na DRC kutandikaho ekikwekweto ky’okurwanisa abahekyera ba ADF n’ebindi bigombe by’abanyambundu omu Burigwa-izooba bwa Congo.

Omu rukiiko orubaire aha kishaayi ekya Kololo omuri Kampala nyomwabazyo, Purezidenti Museveni ahaamize akakiiko k’abany’eishengyero b’ekibiina ekya NRM ngu ekikwekweto eki kiriyo nikigyenda gye.

Beitu hoona Purezidenti ashabire abany’eishengyero obutejwanzya omu bikwekweto by’okurwanisa obuhenda biragiro, agumize ngu abantu abarikwikirizibwa kurwanisa obuhenda biragiro omu ngyenderwaho y’eihanga n’ab’eby’okwerinda kandi abarikumanyisa ebitongore ebirikukwatwaho.

Akakiiko aka kaikiriziine kugaruka kubuganaho kuhajana ahanshonga y’emihendo y’emishuuburo eyeyongyereire kimwe omu eihanga hamwe na puroguraamu eya ‘Parish Development Model’.

LEAVE A REPLY