Omujuubi yaafeera omu lodge – Kalangala

480
0
SHARE

N’ebya Samuel Nkuba

Abatuura ahamwaro gwa Kkusu omugomborora eya Bufumira bagwa omukekango eihangwe ry’eriizooba bwanyima y’omujuubi kufeera omu lodge.

Owaafa yamanywa nka Moses Bakashaba, 46, oizire ahamwwaro gwa Kkusu nyomwabazyo nikwo kumara ekiro aha lodge eya Nabankema beitu yashangwa afeerire omu kishengye ekyareiremu eriizooba.

Nikigambwa ngu abaire ashashurire ebiro 2 kutunga oburaro aha lodge egi. Ogu n’omutuura wa Kalyabulo omu disiturikiti ya Nakaseke kurugiirira aha ndanga muntu ye beitu hoona abatuura ba Kkusu tibabaasa kutunga abanyabuzaare be.

Ogu n’omujuubi wa kabiri kufeera omu lodge omuri Kalagala omukweezi kumwe , obwo ow’okubanza akafeera ahamwaro ogwa Nakibanga, Bukasa omu disiturikiti niyo emwe.

Innocent Tusheirwe, memba wa tiimu y’aba VHT ahamwaro ogu yaagira ngu omwe ahabakozi ba lodge amutereire esiimu shaaha 7 z’ekiro kujanjaabi nyakufa bwanyima y’okukwatwa endwara etamanyirwe. Beitu hoona ogu yaafa batakamutwaire omu irwariro.

LEAVE A REPLY