Omushomesa omuri Isingiro akwatsirwe ahabw’okwita omutabani w’ameezi 8

387
0
SHARE

Pooriisi omu disiturikiti ya Isingiro eine omunkomo omushomesa w’emyaka 27, ahabw’okuteekateekwaho kuba aitsire omwana we w’ameezi 8.

Ogu yamanywa nka Monday Julius, 27, omushomesa ah’eishomero erya Green Stone Primary, omutuura w’ekyaro ekya Rwenturagara, omuruka ogwa Kyarubambura omu gomborora eya Rugaaga omu disiturikiti ya Isingiro.

Omugambirizi wa pooriisi ey’ekyanga ekya Rwizi, Samson Kasasira naagira ngu Monday nagambwa kuba yaitsire omutabani ou ayezaariire, Asiimwe Julius, ow’ameezi 8 ahabiro 13/03/2022 nikwo kuheza akanaga omubiri gwe omukifunjo bwanyima y’okutunga obutaikirizana n’omukazi we Atuhaire Gift, 20.

Beitu hoona ripoota y’omwana kubura etwairwe aha pooriisi nyomwabazyo kandi ku bakwatsire Monday, aikiriize okwita omwana ogu nikwo kubatwara ahi abaire anagire omubiri gwe. Pooriisi etwaire omubiri gw’omwana ogu omukabafu ah’irwariro erya Mbarara Regional Referral kukyeberwa.

Okucondooza omu nshonga egi kwatandikire kandi pooriisi nejumiirira ebikworwa by’obwinazi omubyanga na munonga ahagati y’abakundaine.

LEAVE A REPLY