Abantu 7000 kwihwa omubibira byabo kifuba – Kagadi.

330
0
SHARE

N’ebya Thomas Tumwebaze.

Abantu barikurenga omu 7000 omu gomborora eya Burora, disiturikiti eya Kagadi nibeija kwihwa omubibira byabo kifuba.

Abantu aba nibaruga omubyaro ebya Nyakabingo B, Nyabugando East, Kafene, Kihumuro B na A omu muruka ogwa Kihumuro hamwe n’ekyaro ekya Kayembe omu muruka gwa Kiyembe omugomborora eya Burora omu disiturikiti eya Kagadi.

Okurugiirira aha batuura nibaagira ngu batweire ah’itaka eri okuruga omwaka gwa 1992 kandi nibebuuza oku Faustine Ntambara yeizire kutwara eitaka eryabaheirwe Gavumenti ahansi ya ‘Ruteete resettlement Scheme’.

Abatuura nibajunaana Ntambara ahabw’okutwara hiika 1,262 kandi obwo yabaire ashemereire kutwara hiika 862.

Nibagira ngu Gavumenti erikurabira omu ofiisi y’enganzi y’eihanga ekabaheereza eitaka bwanyima y’okuruga Mpokya omumwaka gwa 1992.

Beitu obuzibu bukatandikaho 2017 obu abatuura hamwe na mukama w’eitaka Ntambara ata omukono ahakiragiro ky’okutsigara ahari hiika 862 nikwo ezindi 400 azirekyere abatuura.

Bwanyima y’okutinisiirizibwa kubingwa omu itaka eri, Omunyeishengyero w’ekyanga eki, Barnabas Tinkasimire na Janepher Kyomuhendo Mbabazi bakabuganaho abatuura okugamba ahakibarakorere enshonga egyo.

Beitu nibagira ngu 2017 bakata omukono ahakiragiro ky’okwikirizana kandi eki Ntambara yayangire kukora.

Aba nibashaba Gavumenti okukaitira Ntambara nikwo babaase kuguma omu itaka ryabo.

LEAVE A REPLY