Rwanda kwigura ensharo zaayo Orwokubanza 7/3/2022

620
0
SHARE

Gavumenti ya Rwanda yaarangirira ku erikwija kwigura ensharo zaayo zoona kutandika n’Orwokubanza ebiro 7/3/2022.

Ekihandiko kuruga omu ofiisi y’enganzi y’eihanga rya Rwanda nikyoreka ngu encwamu y’okwigura ensharo neijaho bwanyima y’orukiiko rwa kabineti orushutamire nyomwabazyo orubaire rukurirwe Purezidenti Kagame orw’okushwijuma ebiragiro ebyabaire bitairweho kutanga COVID19.

Ekihandiko nikyoreka ngu ensharo zoona niziija kwigurwaho Orwokubanza wiiki erikwija kandi abantu nibashabwa kukyebeza COVID19 baheeza kugaruka omu eihanga nk’oku Minisiture y’eby’amagara erikuragira.

Kafyu nayo eihirweho beitu hoona emyanya y’okushemererwamu nk’amabaara, emyoreko n’ah’okuzaanira zaara nihaija kukinga shaaha 8 z’ekiro. Abantu boona bashemereire kuba bagyemeise COVID19 kuza onumyanya y’abantu boona.

Ebiro ebihwaire Rwanda ekaiguraho ensharo yaayo na Uganda eya Katuna beitu hoona abavugi b’emotoka ez’emigugu nibo babaire nibaikirizibwa kuraba ahansharo egi.

Ezindi ensharo ezirikwija kwigurwa harimu eyaayo na Tanzania n’ensharo yaayo na Burundi etwaire ekingirwe kwiha 2015.

Omu makuru agandi, Lt. Gen. Muhoozi Kainerugaba, Omuduumizi w’amahe agahaitaka yaasiima Purezidenti Paul Kagame ahabw’encwamu ya kabineeti ey’okwigura ensharo.

LEAVE A REPLY