Babiri bakwatiirwe ogw’obwitsi omuri Rukungiri

461
0
SHARE

Babiri bakwatsirwe ahabw’okwita nyina

N’ebya Caleb Bahikaho

Pooriisi omuri Rukungiri eine omunkomo yayo abantu babiri kubahwera omu kucondooza bwanyima ya nyina ow’emyaka 85 kuniganigwa akafa aha Sunday.

Omugambirizi wa pooriisi y’ekyanga ekya Kigezi, Elly Maate yaagira ngu abakwatsirwe ni Christopher Turyahebwa na John Twinamatsiko, abatuura b’ekyaro ekya Nyamambo, egomborora eya Buhunga omu disiturikiti ya Rukungiei abarikugambwa kuba baniganigire nyinabo Norah Bitamu bakamwita.

Maate yaagira ngu nikigambwa ngu omugyenzi atwaire aine obuteikirizana n’abatabani 2 abu ayezarire ahabw’itaka n’omusiri gw’omwani ogu batwaire nibeihamu entaasya.

Maate nashoboorora ngu iba omugyenzi, Peter Kahandana, owabaire ari omukishengye ekindi ahaizooba eryo akahurira omukazi we arikukorora ekiro beitu kuyagire kumureebaho omukasheeshe yashanga afire.

Omushango ogu gutwairwe aha pooriisi ya Buhunga Ceyamaani w’entebe y’okubanza ow’ekyaro eki, Jackson Mwesigwa. Pooriisi ehikire ahamwanya ogu kandi omubiri gutwairwe omukabafu ah’irwariro erya Rwakabengo HC3 kukyeberwa obwo okucondooza kurikugyenda omu maisho.

LEAVE A REPLY