Orutindo rwa Buhindagi, orumazireho Shs 1.98bn, rwaigurwaho

337
0
SHARE

N’ebya Timothy Mushabe, IBANDA-RUBIRIZI

Omuhwezi w’omutonganirizi wa gavumenti kandi omujwekyerwa omu ishengyero ahabw’ishaza rya Kyaka ey’amashuuma Minisita Jackson Rwakafuzi yayebembera okutongoza orutindo rwa Buhindagi orurikugaita disiturikiti eya Ibanda hamwe na Ruburizi.

Orutindo oru rwombekirwe kampuni eya Kaba Uganda Limited na sente zirikuhika shiringi akasiriira n’obukaikuru 98 kuruga omu kitongore ky’eby’emirimo hamwe n’entambura.

Orutindo oru, enyimaho rukaba rukozesiibwe za payipu enkye ezirikuha amaizi omuhanda baitu ahabw’obwingi bw’amaizi, rwaija kutwarwa amaizi omumwaka 2017 ekyareeteire abatuura abaruhereire kweteerera enduuru okuhisya ahi rukoreirwe.
Ahamukoro ogwakorerwa ah’ishomero erya Nyakarambi omuri Kyabakara omu disiturikiti ya Rubirizi.
Ab’ekitongore ky’eby’emirimo n’entambura bashaba abatuura kurinda orutindo oru na munonga abarikwiba ebyoma.

We RDC wa Rubirizi, Yahaya Kakoza hamwe na RDC wa Ibanda, barikugambira ahamukoro ogu baashaba abantu ba Ibanda hamwe na Rubirizi kukoresa enguto eriho orutindo oru kwetunguura baitu bitari ebihagaro.

We JohnPaul Ninkusiima MP Ibanda South aha mukoro yaasiima purezidenti Museveni ahabw’entunguka eriyo negyenda omumaisho omu ihanga.

#WestUpdates

LEAVE A REPLY